Բլոգերների գերակշռող մեծամասնությունը երազում է մոնտեիզացնել իր բլոգը: Իհարկե, իսկ ինչո ՞ւ  ոչ, ինչո ՞ւ չվաստակել, եթե Ձեր նյութերն ինքնատիպ են ու ընթերցման արժանի:

Ինչո՞ւ չփորձել, եթե հնարավորությունը կա, այն էլ, երբ տարիներ շարունակ ողջ աշխարհում շատերն են այդկերպ վաստակում:

Մանավանդ հայաստանյան պայմաններում, երբ աշխատատեղերի պակասը, ցածր աշխատավարձը  կամ մասնակի զբաղվածությունը չափազանց նկատելի խնդիրներ են, այլընտրանքային վաստակի  հնարավորությունը շատ օգտակար կլինի:

Ի վերջո, փողը “երբեք ոչ ոքի չի խանգարում”, այն “երբեք չի ավելանում”, “մութ տեղը լուսավորում է”` չնայած, որ նաև “ձեռքի կեղտ” է համարվում:

Բլոգի, կայքի կամ ֆորումի վարկանիշն ու ինդեքսավորումը բարձրացնելու համար  այն գրանցում եք տարբեր կայքերում:

Մի դեպքում ուղղակի գրանցում եք, մյուս դեպքում` պարտավորվում բլոգի առաջին էջին տեղակայել նկարի և այլնի տեսքով  նրանց կայքի հղումը:

Եթե նման հղումը պատկանում է համեմատաաբար ցածր PR ունեցող կայքի, ապա Ձեր էջի PR կշիռն ընկնում է` հօգուտ այդ կայքի: Սա նշանակում է` Ձեր կայքի  PR-ից տալիս եք այն կայքին, որի հղումը տեղադրել եք: Եթե հաշվի առնենք, որ բլոգերի դեպքում սովորաբար ամենամեծ  կշիռն ունեն առաջին կամ գլխավոր էջերը, ապա ստացվում է` PR-ի ուղիղ և ինքնակամ փոխանցում:

“PR-ի ինքնակամ փոխանցո ՞ւմ,- կասեք դուք,-հետո ՞ ինչ“:

Հետո այն, որ որքան ցածր է Ձեր կայքի կամ բլոգի PR ցուցանիշը, այնքան ավելի քիչ է որոնողական համակարգերի կողմից ինդեքսավորվելու հաճախությունը: Այսինքն` նույնիսկ ինքնատիպ ու հետաքրքիր կոնտենտով  (նյութեր, թեմաներ, գրառումներ, կայքի պարունակություն……..) ձեր ինտերնային տիրույթը գրեթե դատապարտված է անուշադրությանL

Ինչ վերաբերում է RSS ալիքի կամ հոսքի գրանցմանը, ապա այս դեպքում հարցը մի փոքր այլ է:

RSS գրանցելիս նախ փորձեք պարզել, արդյո ՞ք կայքը որոնողական համակարգերին գաղտնի սկրիպտի միջոցով չի հայտնում, որ տվյալ նյութերի սկզբնաղբյուն ինքն է: Եթե այդ կայքում նման սկրիպտ կա, ապա ցավում եմ Ձեզ համար.   իզուր, շաաաատ իզուր եք այդքան չարչարվում…….

Ինչո ՞ւ, որովհետև.

1. Ավտոմատ կերպով ու միանգամայն ձրի լցնում եք ուրիշի կայքը, այն նաև որոնողական ռոբոտներին հայտնում է իր` Ձեր կոնտենտի նկատմամբ ունենցած  իրավունքների մասին (սկրպտերի գաղտնի կիրառմամբ որոնողական համակարգերին տեղեկացնում է` այդ նյութի սկզբնաղբյուն ինքն է):

2. Եթե  զուգահեռաբար Ձեր կայքում տեղադրել եք այդ կայքի հղումը, ապա ավելացնում եք նրա PR-ը, իսկ դա նշանակում է, որ  կորցնում եք որոնողական համակարգերից Ձեր հավանական այցելունելի զգալի մասին:

Ինչո ՞ւ, որովհետև.

1. Որոնողական համակարգը որոնողական հարցումը կատարելիս  նախապատվությունը տալիս է  ինչպես բարձր PR-ով, այնպես էլ նյութի սկզբնաղբյուրը  հանդիսացող կայքերին:

2. Եթե Ձեր կայքի PR-ը ցածր է, ապա նշանակում է`նվազ  հնարավորություն ունեք. նույնիսկ, եթե տվյալ գրառման սկզբնաղբյուրը Ձեր բլոգը կամ կայքն է, ապա որոնողական հարցման առաջին շարքերում կհայտնվի ոչ թե Ձեր կայքը, այլ այն կայքերը, որտեղ Ձեր RSS-ը գրանցել եք ու որը ավելի բարձր PR ունի, օգտագործում է գաղտնի սկրիպտեր կամ էլ`երկուսը միասինL

Կարծեմ ավելորդ է մանրամասն բացատրելը. միանգամայն տրամաբանական  գործընթաց, որի արդյունքում Ձեր` այլընտրանքային վաստակի հնարավությունները ակնհայտ պակասում են:

Նվիրում եք  Ձեր ինտերնետ-տիրույթի PR-ը, Ձեր աշխատանքը` կոնտենտը, որոնողական համակարգերից  հավանական այցելուներին, օգնում եք որ այն մյուս կայքը/երը ավելի լավ ինդեքսավորվի/են, ի վերջո` նաև բարձր վաստակ ունենա/ն  ինետրնետի միջոցով:

Շնորհավորում եմ. Դուք իսկակա’ն բարեգործ եք